點樣確認泥土濕度狀態？
我地經常被問到幾時應該淋水？ 大部份客人都唔滿意我地既回覆。 因為客人只想知道幾多日淋水一次，每次淋幾多水。 但我地既回覆係"應該先確認泥土濕度狀態；泥土乾後就可以淋水，每次淋到碟底有水出。" 所以今次我地想講點樣確認泥土濕度狀態
淋水的確係一個好大嘅學問
所以淋水前先確認泥土濕度狀態係非常重要! 淋水太多會搞到根系呼吸受阻；長期淋唔夠水植物會缺水而枯萎
如果唔想整污糟雙手，可以用木筷子插入泥土約 5-7cm 深處，然後拎出木筷子睇吓
以上圖片顯示泥土喺唔同濕度狀態下將木筷子插入泥土後嘅情況:
右: 泥土完全乾透
中: 泥土半乾半濕
左: 泥土濕潤
需唔需要淋水就視乎植物品種
如果泥土濕潤，暫時唔使淋水
如果泥土半乾半濕，而植物係黃金葛，龜背竹，散尾葵等就可以淋水喇
如果泥土完全乾透，而植物係發財樹，虎尾蘭，金錢樹等就可以淋水喇
以上資料只供參考，泥土濕到會受環境同天氣影響。幾耐淋水一次，每次淋幾多水需視乎植物品種及植物態狀而定。
