黃金葛

如果你是初次購買盆栽或從未養過盆栽，我們會為你推介黃金葛。又美觀又粗生的攀爬植物。屋企入面每一個角落都適合黃金葛生長，就算將黃金葛放係陰暗的角落，佢地都能夠好好生長。如果希望黃金葛能迅速生長，可以將佢地放係有陽光觸及到的位置，但同時記得增加淋水的次數/水量。因為擺放在明亮的位置，黃金葛會增加對水份的需要。

另外，唔可以唔知道的是黃金葛係非常容易接枝既植物。你可以剪下葉子下的10 -15 cm，然後直接放在水裡培植，好快黃金葛就可以長出根部再次繁殖。

虎尾蘭/虎尾劍

虎尾蘭絕對是最容易護理的室內植物，只需要簡單的護理，就可以美化空間而且能淨化空氣，虎尾蘭與仙人掌類植物非常相似有可以儲水的葉子同根莖，不需要經常淋水，並且可以適應好多不同的環境。 另外，由於它們外型狹窄和向上生長習慣，唔會因為過度生長而佔用太多空間。

但請特別注意不要過度淋水喔。 虎尾蘭可以在室內環境中生存數週而不用淋水，所以非常適合健忘的植物家長。 如果夏天放在長期有陽光直射或戶外，我們需要增加淋密度每星1次。

龜背竹

龜背竹絕對是植物界既模特兒，只要你打開 Facebook, Instagram, pinterest 總係可以隨處可見到佢地既身影。如果你都鐘意龜背竹獨特葉型和外觀。你可以放心保養問題，因為龜背竹非常容易打理。

當泥土表面或 75% 既泥土已經乾了，就可以淋水了。如果唔小心唔記得淋水，絕對無問題的，因為龜背竹唔會因為遲幾日淋水就枯燥或有好大既反應。請將龜背竹放在有陽光觸及的窗邊 例如面向東或西面的窗，因為佢地喜歡陽光。到了夏天既時候就會瘋狂長新葉的了。 記得定期清潔葉面，等佢地可以乾乾淨淨靚靚仔仔。如果龜背竹生長得太亂，可以用園藝鐵枝去調整佢地的形態和生長。

金錢樹

金錢樹係另一種常見而易打現的室內植物。佢可以適應多個不同環境。金錢樹只需要少量陽光及水份就可以茁壯生長。事實上，金錢樹係冬天會進入休眠狀態(但同時保持綠色) 可以 4-6個星期才淋水一次。係春夏天時，生長會比較明顯。增加淋水的密度, 暖和的天氣和陽光有助加速金錢樹的生長。如果金錢樹的葉子變黃，可能是因為過渡淋水。可以先確認泥土是否太濕。

可參考另一篇有關於如何確認泥土濕度的文章